愉景灣隱世高空繩網陣
到愉景灣不一定是吃飯、參加婚禮，那兒有個室內游樂場，絕對值得一去！歷奇王國面積達一萬四千遲，目測樓底至少有四層樓高，即使是室內都好寬敞！場內有迷你哥爾夫球、彈床、迷宮陣等，較刺激的有攀石及三十米長滑梯，雖然不是甚麼新玩意，但場內設施算比較刺激過癮，而且大人小朋友都巖玩，玩足全日都唔夠！
? ? ? ?全港獨有的AirTrek，在離地約五米高的空中玩，真系一步一驚心！
? ? ? ?全港獨有的AirTrek，在離地約五米高的空中玩，真系一步一驚心！
高空俯瞰游戲室全景，要穿越幾個高空鐵塔，必須穿越繩網陣，細膽鬼真系會腳仔軟！
在有專業教練在旁指導，而且吊曬「威吔」戴埋頭盔先上去，非常安全。
全場重點玩樂設施必定是AirTrek，在約五米高的鋼塔中穿梭，要過五關斬六將先到終點，猶如在玩高空繩網歷奇。雖然高度約兩層樓，但有安全裝備及專業導師帶領前行，絕對萬無一失。由于始終有一定危險性，所以小朋友最少要夠一米四五先可以玩！價錢方面亦算合理，閒日前來，不需百五元已包同行大人及小朋友全日任玩，而且場內有多個哥哥、姐姐睇住小朋友，絕對唔怕小朋友會受傷，唔打算玩嘅家長，大可以放心睇書或者休息！
小朋友最巖玩都系波波噴泉；長滑梯好玩過癮，但提提大家唔好著過短嘅褲玩，否則會擦傷屁股！
彈床大人細路都巖玩；進階版攀石牆適合六歲以上小朋友，有自動減速扣，冇人幫手拉都夠安全。
DiscoveryLand歷奇王國
地點：大嶼山北愉景灣海澄湖畔路96號地下G31號舖
時間：9:30am-7:30pm（周一至周四）、9:30am-8pm（周五、六及公眾假期前夕）、9am-7:30pm（周日）
收費：12歲以下小童及家長$148
13歲以上$168（周一至周五，全日任玩）
12歲以下小童及家長$188，
13歲以上$200（周末及公眾假期，全日任玩）
桌球都可以用腳踢
5月才正式開張的BALLROOM，主打在歐美超大熱的新興運動－桌上足球（POOLSOCCER），是香港首個引入此運動的室內場地。桌上足球意思即是將美式桌球(Pool）與足球（Soccer）結合，在3米×6米的「草皮波枱」上，唔用Que用腳踢球入洞，連小朋友都識玩！桌上足球可以用的技巧與真正的足球差不多，用腳尖、腳背、頭頂都得，不過特製的足球，彈力十足，踢時要控制力度，再配合角度、位置，絕對考個人技術，即使踢開足球或打開桌球﹐，都唔一定玩得肋。
桌上足球根據美式桌球，可選擇個人或隊制比賽，有兩種玩法，一種是將印上不同數字的足球順序踢入洞，最后將黑色球清袋便是贏家；另一種是兩隊斗快入哂間條／全色球，最后將黑色球清袋便為之勝利。場內除了桌上足球，還有其他玩樂設施如美式桌球、桌上冰壺、boardgames等。
隊制賽時，一位隊員開球后，其他隊員可在球未停定時「補腳」，以改變球的方向或球速，增加一腳入洞的機會！
BALLROOM
地點：觀塘興業街14號永興工業大廈12/FC1室
時間：12:00nn-12:00mn
收費：成人$35/小時；六歲以下小童$20/小時（人頭費），包場內其他玩樂設施如美式桌球、桌上冰壺、boardgames及每小時飲品乙包等。POOLSOCCER另外收費，體驗價$100/小時，由6月起正價$150/小時，參與人數不限。
?
沙地版射龍門游戲都唔錯，有啲似射九官格，但筆者卻百思不得其解為何龍門要吹氣。
九十后開場玩泥沙
位于工廈的香港室內沙灘，逾三千多遲，由九十后老板揼本打造，以人工沙池為賣點的派對及玩樂場地，參考臺灣做法變奏出港產「迷你」版。其三間獨立派對房尚算企理，而場中焦點的沙池上，設置有幾個「頂天花」的吹氣游戲，主要是互打及擊球等類型。此外，當然唔少得hit爆的泡泡足球，遲嚇仲話會引入弓箭游戲，沙地版本應該效果唔差！老板話沙地唔怕污糟，每兩日用雙氧水消毒和紫外光殺菌咁話。相信場地應可吸引喜歡只玩泥沙而不見海天的朋友吧！
整個室內佔地三千多遲，沙池佔大半個場，大家可以赤腳喪玩，有沖涼房俾大家清潔。
?
場內有個吹氣棒球，為大家安全起見及更易玩，轉用球拍效果更佳。
?
在彈床上手執吹氣棒格斗，撲中頭應該唔會受傷，但樓底不高，跳高即撼，戴定頭盔穩陣。
卷起吹氣裝置就可以變身成為沙地足球場，玩泡泡足球就可以更放肆地撞。
逃出沙地后，來到室內的派對房間，吹陣陣海洋風趕緊清理
香港室內沙灘
地點：觀塘開源道77號業發工業大廈一期6樓D室
收費：$2,688/1小時（6至16人泡泡足球），$3,188/1小時（6至12人弓箭游戲）
備注：另有派對包場套餐及吹氣設施出租。
